Fövqəladə Hallar Nazirliyindən (FHN) Abşeronda yerləşən taxta tikilidə baş verən yanğınla bağlı açıqlama verilib.
Nazirlikdən bildirilib ki, “112” qaynar telefon xəttinə Abşeron rayonu, Xırdalan şəhəri, Yeni Saray yolu adlanan ərazidə yanğın baş verməsi barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunublar. Yanğınsöndürənlərin operativ müdaxiləsi sayəsində yanğın genişlənərək ətraf ərazilərə yayılmasına imkan verilmədən qısa müddətdə söndürülüb.
Yanğın nəticəsində ümumi sahəsi 30 kvadratmetr olan konteyner tipli taxta konstruksiyadan ibarət tikili yanıb. Yaxınlıqdakı tikililər yanğından mühafizə edilib.
00:09
Abşeron rayonu, Saray qəsəbəsində taxta tikilidə yanğın olub.
Bu barədə Fövqəladə Hallar Nazirliyindən (FHN) məlumat verilib.
Bildirilib ki, dərhal əraziyə FHN-in canlı qüvvəsi və yanğınsöndürmə texnikası cəlb edilib.
Tikilinin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
Həmin görüntüləri təqdim edirik: