Bakının Nizami rayonunda yerləşən "8-ci km Ticarət Mərkəzi"nin ətrafındakı küçə ticarətinin yığışdırılmasına başlanılıb.

Yeniproqnoz.az xəbər verir ki, bununla bağlı sosial şəbəkədə videogörüntülər paylaşılıb.

Fakt Nizami Rayon İcra Hakimiyyəti tərəfindən Yeniproqnoz.az-a təsdiqlənib.

Qeyd olunub ki, bazarın yaxın ətrafındakı mövcud küçə ticarətinin yığışdırılmasına ötən gündən start verilib.

"Ərazidə səliqə-sahmanın bərpa olunması üçün həyata keçirilən işlər çərçivəsində küçə ticarətinin təşkil olunduğu piştaxtalar sökülərək ərazidən yığışdırılır", - deyə məlumatda bildirilir.

Əzizə İsmayılova