Dekabrın 23-də "İstedadları Tanıyaq və Tanıdaq" İctimai Birliyinin bir qrup istedadlı üzvü Suraxanı Rayon İcra Hakimiyyətinin başçısı Adil Əliyevlə görüşdü. Görüşdə təşkilat sədri Vüsalə Qələndərli (Sadıqova) və təşkilat nümayəndəsi Yaşar Qələndərli Quliyev, istedadlı gənclər Mehdi Həsənov, Yusif Allahverdiyev, Lalə Cavadzadə, Xədicə Şirinova iştirak etdi.
Hər zaman istedadlı uşaq və gənclərə dəstək olan Adil Əliyevlə bu dəfə də səmimi görüş baş tutdu. Adil Əliyev təşkilatın fəaliyyətini və gənclərimizin uğurlarını yaxından izlədiyini və yüksək qiymətləndirdiyini bildirdi, istedadlı gənclərimizə uğurlar arzuladı. Təşkilat sədri Vüsalə Qələndərli Adil Əliyevə təşkilatın fəaliyyətində hər zaman mənəvi dəstəyinə görə təşəkkür etdi.
Qeyd edək ki, Adil Əliyev dəfələrlə təşkilatın istedadlı üzvlərilə görüş keçirib, mənəvi dəstəyini əsirgəməyib.