ABŞ və Avropa İttifaqı (Aİ) arasında tarif müharibəsi illik həcmi 9.5 trilyon dollar olan transatlantik biznesi kiçildilə bilər.

Yeniproqnoz.az-ın məlumatına görə, bu barədə "Reuters" ABŞ-nin Aİ-dəki Ticarət Palatasının hesabatına istinadən bildirib.

ABŞ və Aİ arasında mal və xidmətlərin ticarəti 2024-cü ildə rekord həddə - 2 trilyon dollara çatıb, lakin Vaşinqtonun polad və alüminiuma yeni rüsumları, eləcə də Avropa şərablarına və digər spirtli içkilərə 200%-lik tarif tətbiq etmək təhdidləri bu dinamikanı poza bilər.

Hesabatın əsas müəllifi Deniel Hemilton qeyd edir ki, İrlandiyanın ixracatının 90%-ni və Almaniyanın isə ixrac əməliyyatlarının 60%-ni təşkil edən korporasiyadaxili ticarət zərbə altında qalacaq və bu təsir xidmət və enerji sahələrinə, o cümlədən ABŞ-dən mayeləşdirilmiş təbii qaz (LNG) tədarükünə toxunacaq.

Palata ekspertləri ABŞ Prezidenti Donald Trampın tariflərinin faydalı olacağına şübhə edir və hər iki iqtisadiyyat üçün onların əks təsirini nəzərə almağa çağırır.