Müğənni Xuraman Şuşalı opera ifaçısılığından uzaqlaşmasının səbəbini açıqlayıb.

Ölkə.Az Axşam.az-a istinadən xəbər verir ki, sənətçi "Qonaqcanlı" verilişində Xalq artisti Xuraman Qasımovanın onu seçim qarşısında qoymasından danışıb:

"Xuraman Qasımova məni dinlədikdən sonra şərt qoydu, dedi ki, xanəndəlikdən çıxırsan və səni qrupuma qəbul edirəm. Amma birinci kursdan oxuyacaqsan, onda ikinci kurs idim. Dedi ki, hətta səni İtaliyaya göndərəcəyəm oxumağa. Bu, mənim arzum idi. Ancaq baxdım ki, evimiz yoxdur. Vokala getsəm toy mahnısı oxumağa icazə yox idi. Mən isə işləyirdim, Faiq Ağayevlə toya gedirdim. Hər günüm toy idi. Baxdım ki, ancaq dərs və ev olacaq. Anam ikinci qrup əlil idi. Düşündüm, necə bu çətinlikdən qurtaracaq? Qazanc yerini seçdim. Ən böyük arzum İtaliyada təhsil almaq olub. İndi bəlkə uşaqlarım böyüyər, gələcəkdə bunu edərəm".