Aqrar sahə ölkədə təkcə iqtisadi cəhətdən deyil, eyni zamanda sosial və təhlükəsizlik konteksindən yanaşılır.

Yeniproqnoz.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov parlamentdə "Aqrar sektorda sahibkarlığa dəstək: nəticələr və perspektivlər" mövzusunda keçirilən ictimai dinləmədə çıxışı zamanı deyib.

Onun sözlərinə görə, ölkə əhalisinin yarısı, o cümlədən aktiv məşğul hissəsinin 40 faizi  kənd yerlərində, bölgələrdə yaşadığından sosial şəraitinin yaxşılaşdırılması baxımdan aqrar sahənin inkişafı mühüm əhəmiyyət kəsb edir. “Ərzaq təhlükəsizliyinin təmin olunmasında xüsusi rol oynadığından aqrar sektor ölkənin təhlükəsizliyində strateji əhəmiyyət kəsb edir. Nə olursa olsun, ölkə, xalq heç vaxt ərzaq təminatı ilə sınağa çəkilməməlidir. Bu sahəyə diqqətin yetirilməsinin nəticəsidir ki, ölkəmiz ərzaq təhlükəsizliyi riski ilə üzləşməyib”, - komitə sədri qeyd edib.

O enyi zamanda əlavə edib ki, aqrar sahə ölkə iqtisadiyyatının şaxələndirilməsi baxımdan mühüm rol oynayır.

Mürtəza
Yeniproqnoz.az