9 yaşlı Lalə Əfəndizadə- yaşı az olsa da, böyük ürəyi və zəngin təsəvvürü ilə nağıllar, şeirlər yazır, özü də ifa edir. Həm yaşıdlarının, həm də böyüklərin marağını cəlb edən bu balaca istedad öz duyğularını sözlərə çevirməyi sevir. Lalə ilə şeirlərdən, musiqidən və arzularından danışdıq.

-Lalə, özünü təqdim elə səni daha yaxından tanıyaq. 
-Mən Lalə Əfəndizadə. 270 saylı tam orta məktəbin 4ç sinfində oxuyuram.

– Lalə, ilk şeirini nə vaxt yazdın?

-İlk şeirimi 4 yaşımda nənəmə həsr etmişəm. 

Mənim şirin nənəm, 
Mənə noğul dedi.
Öpüb məni, 
Noğul yedi. 

– Ən çox hansı mövzular haqqında yazmağı xoşlayırsan?

-Ən çox insanlara şeirlə  müraciət  etməyi xoşlayıram.     

– Şeir yazanda səni nə ilhamlandırır?

-Ən çox məni insanların sevgisi, qayğikeşliyi, dostluğu ilhamlandırır. 

– Deyirlər ki, sənin səsin də gözəldir. Doğrudur?

-İfa etməsəm də bir çox xalq mahnılarının sözlərini əzbər bilirəm. Fikirləşirəm ki, xalq mahnıları böyüklər üçün yazılıb. Uşaqlar elə şeir söyləsələr yaxşıdı.  Uşaq üçün xalq mahnısı olmasa da Oktay Zülfüqarovun mahnilarını ifa edirəm. 



– Böyüyəndə nə olmaq istəyirsən?

-Ürək həkimi. 
Ağrıyan qəlbləri şeirimlə əzizləyib, sağaltmaq istəyirəm. 

– Səncə, uşaq şair olmaq necə bir hissdir?

-Gözəl bir hissdi. 

-Boş vaxtlarında nələr etməyi xoşlayırsan?

-Kitab oxumağı, rəsm çəkməyi, velosiped sürməyi xoşlayıram

-Hansı uğurların olub? 

-"İstedadları Tanıyaq və Tanıdaq" İctimai Birliyinin bir çox layihələrində tədbirlərində  iştirak etmişəm. 
"İlin fəal şagirdi" adına layiq görüldüm.

-Dərslərini necə oxuyursan?

-Əla. 


-İlin fəal şagirdi adına layiq görüldün. Hansı hissləri keçirirsən? 

-Sevincliyəm, qürur duyuram. 

Lalə Əfəndizadə yaşından qat-qat böyük düşüncələri və duyğuları ilə həmyaşıdlarından fərqlənir. Onun misralarında sevgi, ümid və saf uşaq təxəyyülü var. Balaca Lalənin söz sehrini daha böyük səhnələrdə, kitab səhifələrində görəcəyimiz gün uzaqda deyil. Azərbaycan ədəbiyyatı gələcəyin ulduz şairini qarşılayır.
İcxeberler.com