Bu gün sizləri Azərbaycan musiqi dünyasında öz istedadları ilə seçilən xüsusi bir ailə ilə tanış edirik. Abbasovlar ailəsi — musiqiyə olan sevgiləri, sənətə bağlılıqları və ən əsası, istedadlı övladları ilə seçilirlər. Bu ailənin övladları hələ kiçik yaşlarından tar və kamança kimi milli alətlərimizdə peşəkarcasına ifa etməyi bacarır, dinləyicilərə unudulmaz musiqi anları bəxş edirlər. Onların musiqi yolçuluğu, ailə dəstəyi və gündəlik məşqləri ilə bağlı suallarımızı Abbasovlar ailəsinin istedadlı övladı Hüseyn Abbasov cavablandıracaq.

Salam Hüseyn öncə səni daha yaxından tanıyaq. Özün haqda məlumat ver. 
-Salam, mən Abbasov Hüseyn 2013-cü ildə doğulmuşam. Tar ifaçısıyam. "İstedadları tanıyaq və tanıdaq" İctimai Birliyinin üzvüyəm.

 

 -Hüseyn, neçə yaşından tar çalmağa başlamısan?
-7 yaşımda tar ifa etməyə başlamışam

-Tar çalmağı sənə kim öyrədib?
-Tar çalmağı mənə əziz Müəllimim Fərhat Nəsirov öyrədib

-Ən çox ifa etməkdən zövq aldığın musiqi hansıdır?
-Ana mahnısı çalanda çox zövq alıram.

-Gələcəkdə hansı səhnələrdə çıxış etmək istəyirsən?

- Hal- hazırda Beynalxalq müsabiqəyə hazırlaşıram.  Böyük səhnələrdə yer almaq istərdim
-Başqa musiqi alətlərini də öyrənmək istəyirsənmi?
Piano çala bilirəm.
-Müəllimin kimdi. Ona nə demək istərdin? 
-Üzərimdə əməyi olan bütün müəllimlərimə, xüsusi olaraq Fərhad müəllimə təşəkkür edirəm.
-Hüseyn, eşitmişik ki, qardaşın və iki bacın da musiqi ilə məşğuldur. Bizə onlardan danışa bilərsən?

-Bəli, böyük bacım Gülər pianistdi. Asəf Zeynallı adına musiqi kollecində oxuyur. Kiçik bacım, yəni mənim əkiz tayım Gülay kamança ifaçısıdır və  biz çox vaxt onunla konsertlərdə çıxış edirik.
Qardaşım Mehdi də tar çalır mən ona baxıb tar çalmağa başlamışam. Yusif qardaşım da gözəl kamança ifaçısıdır.

-Abbasovlar ailəsi olaraq birlikdə məşq edirsinizmi?
-Bəli, birlikdə məsq edirik, çox vaxt konsertlərdə birlikdə çıxış edirik.

-Ailədə hamınız musiqi ilə məşğul olduğunuz üçün evinizdə necə bir ab-hava olur?

-Bizdə çox vaxt konsert abu- havası olur. Valideynlərim bizə dəstək olaraq çox stimul verir. Valideynlərimizə təşəkkür edirik ki bizə hər cür şərait yaradıb.

-Bəzən birlikdə konsertlər və ya evdə kiçik çıxışlar edirsinizmi?

-Evdə konsertlərimiz olur, qohumların xoş günlərində də ifa edirik.  

-Musiqidən başqa nələrə marağın var?
-Mənim marağım ən çox musiqiyədi, amma şəkil çəkmək də hobbimdi.

-Dərslərini necə oxuyursan? Məktəbdə hansı fənni daha çox sevirsən?
-Ən cox sevdiyim fənn coğrafiya, tarix və təbiət elmləridir.

-Boş vaxtlarında nə edirsən?
-İdmanla məşğul oluram.

Bu cür musiqiçi uşaqlar və ailələr gələcəyimizin mədəni təməlini təşkil edir. Hüseyn və ailəsi bizə göstərir ki, istedad və əmək bir araya gələndə böyük nəticələr əldə etmək mümkündür.
Abbasovlar ailəsinə bu yolda uğurlar arzulayırıq. 
Yeniproqnoz.az
[media=https://youtube.com/shorts/CiVpY7gUwJg?si=VDVaL9HZqGTk0SSi]