“Son dövrlərdə Rusiya informasiya məkanında davamlı olaraq Azərbaycana qarşı genişmiqyaslı və qaydasız bir informasiya müharibəsini həyata keçirməkdədir. Azərbaycan tərəfi bu informasiya savaşında maraqlı olmadığını dəfələrlə sübtut etsə də, çox təəssüflər olsun ki, qarşı tərəf total informasiya hücumunu davam etdirməkdədir. Bu da təbii olaraq qonşuluğa və ikitərəfli münasibətlərə ciddi xələl gətirir”.
Bunu Yeniproqnoz.az -a açıqlamasında Milli Məclisin deptatı Müşfiq Məmmədli deyib.
Deputat bildirib ki, bunun ən sonuncu bariz nümunəsi kimi, 2025-ci il iyulun 31-də Rusiya dövlət informasiya agentliyi olan TASS-da “Stepanakertdə Ayvazovskinin abidəsi sökülüb” başlıqlı təxribatxarakterli yazısının dərc edilməsi və bununla bağlı Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoyun, RF Dövlət Dumasının MDB işləri üzrə komitəsinin sədr müavini Konstantin Zatulinin Azərbaycanın ünvanına səsləndirdiyi cəfəng, absurd fikirləri göstərmək olar. “Biz bu adı çəkilən şəxslərin dəfələrlə “erməni sevgisi”nin şahidi olmuşuq. Rusiyadakı erməni diasporunun maliyyəsi ilə qidalanan bu şəxslər növbəti dəfə qanunsuz olaraq Xankəndidə yerləşən Ayvazovski heykəlinin sökülməsindən "narahatlıq" keçirərək Azərbaycan haqqında heç də Rusiya kimi dövlətin imicinə xeyir gətirməyən səviyyəsiz ifadələr səsləndiriblər. Abidənin götürülməsinə görə bu qədər “narahat” olan şəxslərin nədənsə Ermənistanın 30 illik işğalçılıq siyasəti zamanı Azərbaycanın işğal altında olan yüzlərlə mədəni-dini-tarixi abidəsini məhv etməsinə qarşı bir dəfə də olsun səsləri çıxmadı. Əslində adı çəkilən şəxslərin bu cür təxribatçı fəaliyyətləri düşünülmüş şəkildə Rusiya-Azərbaycan arasında mövcud gərginliyin daha da dərinləşməsinə xidmət edən hərəkətdir. Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy necə olur ki, Ermənistanın Şuşada Azərbaycanın dünya şöhrətli mədəniyyət və incəsənət xadimlərirnə qarşı törətdiyi vanadalizm hərəkətinə susaraq səsini çıxarmayıb. Axı, həmin şəxslər bir zamanlar Rusiyanı və SSRİ-ni dünyada təmsil edib. Amma Xankəndidə 2021-ci ilin dekabrında qoyulan bir abidənin götürülməsinə bu qədər narahat olur. Səbəb görəsən nədir? Təbii ki, onların bu çirkin niyyətinin arxasında duran məqsədlər Azərbaycan tərəfinə aydındır. Bu abidə Rusiya sülhməramlılarının bölgədə olduğu dövrdə və Azərbaycanın razılığı olmadan separatçılar və rus hərbçiləri tərəfindən Xankədidə ucaldılıb. TASS və Zatulin kimilər onu da yaxşı bilir ki, Azərbaycanda nə Stepanakert adlı şəhər, nə də Dağlıq Qarabağ adlı qurum var.
Onu da xatırlatmaq yerinə düşər ki, bünövrəsi XIX əsrdə qoyulan Xankəndi şəhəri 1923-cü ilin iyulun 7-də Rusiya Kommunist Bolşeviklər Partiyasının Mərkəzi Komitəsinin Qafqaz Bürosunun qərarı ilə Dağlıq Qarabağ Muxtar Vilayəti (DQMV) yaradılır və Xankəndinin də adı dəyişdirilərək azərbaycanlılara qarşı soyqırımı siyasətinin həyata keçirilməsində xüsusi rolu olan daşnak-bolşevik Stepan Şaumyanın adı verilir. Lakin İkinci Qarabağ savaşından sonra Azərbaycan Prezidenti İlham Əliyevin sərəncamı ilə 7 iyul 2021-ci ildə DQMV ləğv edilib və Xankəndinin də tarixi adı bərpa edilib. Odur ki, biz Rusiyanın yüksəkrütbəli rəsmilərinin belə açıqlamaları xoş niyyətdən xəbər vermir. Erməni diasporunun əlində oyuncaq olmaqla bu şəxslər bölgədə gərginliyin yaranmasına xidmət etməklə, Rusiya-Azərbaycan münasibətlərinə ziyan vururlar. Bundan qazanan tərəf Rusiya deyil. Amma onlar unudur ki, bu cür metodlarla Azərbaycana təzyiq etmək və nəyisə diktə etmək mümkün deyil. Əksinə, Azərbaycanın qətiyyətli mövqeyi nəticəsində Rusiya tərəfi geri çəkilmək məcburiyyətinə qalıb və qalacaq. Azərbaycanın mövqeyi nəticəsində TASS-ın təxribat xarakterli yazısına etdiyi dəyişikliklər də bunun bariz nümunəsidir”.
Mürtəza