Cənubi Afrikada "kişiliyə keçid" adlandırılan kütləvi sünnət mərasimi böyük faciəyə çevrilib.

Yeniproqnoz.az xarici KİV-ə istinadla xəbər verir ki, hər il keçirilən bu "Ulvaluko" mərasimində iştirak edə bilməyən gənclər öz qəbilələri daxilində kənarlaşdırılır, yığıncaqlara buraxılmır və hətta evlənmək hüququna malik deyillər.

Ona görə də minlərlə ailə övladlarını bu mərasimə göndərir. Bununla belə, heç bir təhsili olmayan və sertifikatı olmayan şəxslər tərəfindən həyata keçirilən sünnətlər hər il onlarla uşağın ölümünə, yüzlərlə insanın isə ağır xəsarət almasına səbəb olur.

Kütlvi sünnət mərasimi nəticəsində 39 gənc ölüb, 11 uşağın cinsiyyət orqanı amputasiya edilib.

Qeyd edək ki, son beş ildə bu mərasimlərdə 361 uşaq ölüb.

2024-cü ildə 11 uşaq düzgün olmayan alətlərdən istifadə edilən prosedurlar nəticəsində penislərini itirib.

Qeyri-qanuni sünnət məktəbləri 16 yaşdan kiçik uşaqlara sünnət edir və ailələrdən hədsiz ödənişlər alır. Bu məktəblər bəzən uşaqları zorla qaçırır, sünnət edir, sonra isə pul tələb edirlər. Ən çox rast gəlinən ölüm səbəbləri qanqren, sepsis və susuzlaşdırmadır. Mərasimi tərk etməyə cəhd edən uşaqların bıçaqlanması, boğulması və ya döyülərək öldürülməsi halları da olur.

Ekspertlərin fikrincə, ölüm hallarının 80%-i hələ də bu qanunsuz məktəblərdə baş verir.

Billurə