Məşhur prodüser Asif Kərimov maraqlı açıqlamalar verib.

Ölkə.az xəbər verir ki, o, özü ilə bağlı maraqlı etiraflar edib.

"Bu sahədə olan xanımlar mənim bacımdır, kişilər də qardaşım. Çalışdığım müğənnilər isə bir köynək daha yaxındırlar, evimin içidirlər. Şamaxıda baba ocağım var. Oradakı evimizə sənətkarlardan, Xalq artistləri Həsən Məmmədov, Səkinə İsmayılova, Samir Cəfərov, Fidan Hacıyeva, Zülfiyyə Xanbabayeva, Əməkdar artistlər Sevda Ələkbərzadə, Mətanət İsgəndərli və Elnarə Abdullayeva mən orada olub-olmasam da gedir. Vasif Məhərrəmli, Kəmalə Qaramolalyeva həmçinin... Anlamırlar, pulsuz iş gördüyümü. Qardaş-bacılarımdan pul alım? Tanınmış prodüserimiz var, mənə dedi ki, işlədiyi sənətçilərdən 20 faiz pul alır. Mənim müğənnilərdən hərəsindən bu faizi götürsəm, milyonu gəlib ötəcək. Anormal adamam, heç vaxt pul almamışam. Mən beləyəm. Həmin sənətçilərin hər birindən soruşun, pul almışam, yaxud toydan faiz veriblər? Mahnını ödənişsiz vermişəm. Mətanətin sonuncu, Elnarənin Moskva konsertindən pul almamışam. Ayda bir dəfə olur ki, toy sahibləri musiqini mənə həvalə edirlər. Öz ansamblım olanda, pul qazanıram. Yenidən dünyaya gəlsəm, yenə musiqiçi olaram. Hər gün səhər 9-da evdən çıxıram, sanki dövlət işinə gedirəm. Halbuki heç vaxt çalışmamışam. Şənbə-bazarda da gəzməyi sevmirəm studiyama, ofisə gedirəm, işimdən zövq alıram".