Almaniyanın İsraillə bağlı siyasətinin əsas prinsipləri dəyişməz olaraq qalır.

Yeniproqnoz.az xəbər verir ki, bunu Almaniya Federal Kanslerinin rəhbəri, xüsusi tapşırıqlar üzrə nazir Torsten Frei Almaniya hökumətinin İsrailə silah tədarükü üçün icazələrin verilməsini dayandırmaq qərarı fonunda bildirib.

"Şübhə yoxdur ki, Almaniyanın İsraillə bağlı siyasətinin əsas prinsipləri dəyişməz olaraq qalır. Almaniya İsraili mövcudluğunu və təhlükəsizliyini qorumaq üçün lazım olan hər şeydə dəstəkləməyə davam edəcək”, o bildirib.

Eyni zamanda, Frei vurğulayıb ki, İsrailin özünümüdafiəsinə xidmət edən hava və dəniz müdafiəsi sahəsi ixrac qadağasına tabe deyil. "Bütün bu sahələrdə İsrail, əlbəttə ki, maksimum dəstək almağa davam edəcək", o qeyd edib.

Avqustun 8-də Merz Almaniya hökumətinin İsrailə silah tədarükü üçün icazələri dayandırmaq qərarına gəldiyini açıqlamışdı.

Yeniproqnoz.az

Elvin