Kreml Donald Tramp və Vladimir Putin arasında Alyaskada planlaşdırılan görüşdən substantiv sülh danışıqları üçün deyil, ABŞ və Avropa arasında birliyi zəiflətmək üçün istifadə etməyi planlaşdırır.

Yeniproqnoz.az xəbər verir ki, bu barədə Müharibənin Öyrənilməsi İnstitutunun (ISW) hesabatında deyilir.

ISW analitikləri hesab edir ki, Rusiya rəsmilərinin son bəyanatları Moskvanın Ukrayna və Avropanı sülhə maneə kimi qələmə vermək cəhdlərindən xəbər verir. Rusiya Təhlükəsizlik Şurasının sədr müavini Dmitri Medvedev Avropanı guya ABŞ-ın müharibəni dayandırmaq səylərinə mane olmaqda ittiham edib, LDPR lideri Leonid Slutski isə Avropa ölkələrinin “tez bir sülh yolu ilə nizamlanmasına imkan vermədiyini” bildirib.

Rusiyalı politoloq Sergey Markov “The Washington Post”a deyib ki, Rusiyanın etməyə hazır olduğu yeganə “kompromis” Odessa və Xarkov vilayətləri, həmçinin Xerson və Zaporojyanın ələ keçirilməsindən sonra döyüşləri dayandırmaqdır. O, həmçinin müharibədə Ukrayna prezidenti Volodimir Zelenski və Avropa liderlərini günahlandırıb.

ISW qeyd edir ki, Ukrayna və Avropa danışıqların vicdanla aparılaraq real atəşkəs razılaşmalarının əldə olunmasına hazır olduqlarını nümayiş etdiriblər, lakin Moskva bu təklifləri ardıcıl olaraq rədd edib. “Bunun əvəzinə güzəştlərə və hərbi nailiyyətlərin möhkəmləndirilməsinə can atıb.
Rusiya tərəfi 2025-ci ilin yazında olduğu kimi, böyük ehtimalla yenə də Ukrayna tərəfini ittiham edərək, gələcəkdə istənilən atəşkəs razılaşmalarını öz məqsədləri üçün pozmaq və istifadə etmək üçün istifadə edəcək”, - ISW hesabatında deyilir.

Mürtəza