Ərini öldürən şəxsi məhkəmə zalında bağışlayıb qucaqladı - VİDEO

12
Avq
13:30

Qadın sərxoş halalda avtomobil idarə edərək ərinin ölümünə səbəb olan şəxsi bağışlayıb

Yeniproqnoz.az xarici KİV-ə istinadla xəbər verir ki, hadisə ABŞ-nin Corciya ştatında baş verib.

Belə ki, Cozep Tillmən adlı gənc həm sərxoş, həm də narkotik vasitələrin təsiri altında avtomobil idarə edərkən velosipedlə gedən Çarlz Consonu vurub.

Hadisə nəticəsində ağır xəsarət alan Çarlz xəstəxanaya yerləşdirilsə də, onun həyatını xilas etmək mümkün olmayıb.

Məhkəmə hadisədən sonra təqsirini etiraf edən 24 yaşlı Tillmənin 20 il müddətində azadlıqdan məhrum edilməsinə hökm edib.
Məhkəmə zamanı Çarlzın həyat yoldaşı Regina Conson göz yaşları içində qatili qucaqlayaraq onu bağışladığını bildirib.

Bu qeyri-adi məqam məhkəmə zalında olanları dərindən təsirləndirib.

Regina bildirib ki, müttəhimi qucaqlamasının səbəbi Allahın ona sevgi göstərməsini istəməsidir.

Hətta hakim də indiyədək belə mənzərənin şahidi olmadığını qeyd edib.

“Cozepin keçmişində sağalması lazım olan şeylər var, hamımızda olduğu kimi. Ona mərhəmət göstərmək istədim," – ölən şəxsin həyat yoldaşı deyib.

Qəza törədən Tillmən də peşmanlığını belə ifadə edib:

“Səhvlərimi düzəltmək üçün uzun bir yola çıxdım, düzəlmək üçün çabalayıram. Yaşatdığım kədərə görə rahatlıq haqqım olmadığını bilirəm”.

Billurə Yunus