ABŞ hakimiyyəti Rusiyanın kriptovalyuta birjası olan Garantex-in rəhbərlərinin həbsinə səbəb olacaq məlumatlara görə 6 milyon dollar məbləğində mükafat elan edib.

Yeniproqnoz.az xəbər verir ki, məlumatı Dövlət Departamenti yayıb.

Bildirilir ki, Rusiya vətəndaşı Aleksandr Mir Serda haqqında məlumat üçün 5 milyon dollar, digər top-menecerlər haqqında məlumat üçün isə 1 milyon dollar mükafat təklif edilir.

Sənədə əsasən, ticarət platforması kibercinayətkarlıqdan və narkotiklərin qanunsuz dövriyyəsindən əldə edilən “yüz milyonlarla dollar”ın yuyulması üçün istifadə edilib. Dövlət Departamenti qeyd edib ki, 2019-cu ilin aprelindən 2025-ci ilin martına qədər Garantex ümumi məbləği təxminən 96 milyard dollar olan kriptovalyuta əməliyyatları həyata keçirib.

Bundan əvvəl ABŞ Xəzinədarlığı Garantex ilə əlaqələrə görə üç rusiyalıya sanksiya tətbiq edib: Mira Serda ilə yanaşı, Pavel Karavatski və platformanın yaradıcısı Sergey Mendeleyevə də məhdudiyyətlər qoyulub.

2025-ci ilin martında Hindistan hakimiyyəti ABŞ-ın tələbi ilə başqa bir mübadilə inzibatçısı, Litva vətəndaşı Aleksey Beşokovu saxlayıb. O, çirkli pulların yuyulmasında şübhəli bilinir.

Həmçinin mart ayında ABŞ Ədliyyə Nazirliyi ABŞ hakimiyyətinin Almaniya və Finlandiya ilə birlikdə Rusiyada yerləşən kriptovalyuta birjasının serverlərini müsadirə etdiyini və onun istifadə etdiyi 26 milyon dollarlıq aktivləri dondurduğunu açıqlamışdı. Garantex, USDT kriptotokenini buraxan Tether platforması tərəfindən birja pul kisələrinin bloklanması səbəbindən bütün xidmətlərin müvəqqəti dayandırıldığını elan edib. Garantex 2022-ci ildən ABŞ-ın sanksiyaları altındadır.(musavat.com)