"Miss Universe 2025" səhnəsində Qarabağ xalçası motivli milli libas təqdim edərək Azərbaycan mədəni irsini dünyaya tanıtmaq istəyirəm. Bu, həm UNESCO tərəfindən tanınmış xalçaçılıq sənətimizi, həm də Qarabağın əsl sahibinin Azərbaycan olduğunu dünyaya göstərəcək".

Yeniproqnoz.az xəbər verir ki, bu fikirləri "Miss Azərbaycan" titullu model Səmra Hüseynova deyib.

Model qeyd edib ki, bununla dünya modasına səs salmaq mümkündür:

"Biz xarici sənətkarları gətirməklə nəsə əldə edə bilərik, lakin özümüz səhnəyə çıxsaq dünya modasında səs sala bilərik. Xarı bübül motivli və bir çox motivlərlə imza ata bilərik".

Xatırladaq ki, Səmra Hüseynova adıçəkilən beynəlxalq yarışmada iştirak üçün xalqdan 150 min dollar yardım istəmişdi. Onun bu çağırışı sosial şəbəkələrdə və tanınmış şəxslər arasında sərt tənqidə səbəb olmuşdu.