"Titanik" filminin ulduzu Keyt Uinslet illər sonra sözügedən filmdə məşhur soyunma səhnəsinə görə təəssüf hissi keçirdiyini etiraf edib.

Yeniproqnoz.az publika-ya istinadən xəbər verir ki, aktrisa “The Sun” qəzetinə verdiyi müsahibəsində bildirib ki, gənc yaşda karyerasını sübut etmək istəyi onu bu addımı atmağa vadar edib.

"Kaş ki, o səhnədə bədənimi bu qədər göstərməsəydim. O vaxt düzgün seçim kimi görünürdü, amma indi fərqli düşünürəm", - deyə aktrisa qeyd edib.

Uinslet bildirib ki, bu səhnə üçün imza istəyən pərəstişkarlarının təkidi onu narahat edir: "Belə bir fotoya heç vaxt imza atmıram. İnsanların bunu niyə istədiyini anlaya bilmirəm. Bu məni çox narahat edir”.

Aktrisa kino sənayesində baş verən müsbət dəyişiklikləri də yüksək qiymətləndirib. O, artıq gənc aktyorların səhnədəki çılpaqlığı bir kənara qoyaraq, əvvəlkindən qat-qat cəsarətli və güclü olduğunu vurğulayıb.