ABŞ Ukraynaya ümumi büdcəsi təxminən 330 milyon dollar olan iki yeni hərbi təchizat paketini təsdiqləyib.

Yeniproqnoz.az xəbər verir ki, bu haqda “The Hill” mənbələrə istinadən məlumat verib.

Əvvəlcə Dövlət Departamenti Ukrayna Silahlı Qüvvələri tərəfindən idarə olunan “Patriot” sistemlərinə xidmət göstərilməsi üçün xidmətlər paketinin təsdiqini elan edib.

Ümumilikdə təqribən 179,1 milyon dollara başa gələn bu paketə, xüsusən də ehtiyat hissələrin tədarükü, proqram təminatının yenilənməsi, modifikasiya dəstləri, rabitə avadanlığı və sair daxildir.

Dövlət Departamenti başqa bir açıqlamada Ukraynanın ehtiyacları üçün “Starlink” peyk rabitəsi xidmətlərinin satışına razılıq verdiyini açıqlayıb.

Paketə həmçinin peyk rabitə terminalları üçün texniki və logistik dəstək xidmətləri daxildir. Bu paket isə 150 milyon dollar dəyərində qiymətləndirilir.(APA)