Müğənni Hadisə qızlardan ibarət "Manifest" adlı rok qrupu barədə prokurorluğun istintaq başlatmasına münasibət bildirib.

Yeniproqnoz.az  xəbər verir ki, müğənni bu haqda sosial media hesabında paylaşım edib.

Hadisə qadınlara daim dəstək olacağını bildirib.

Səhnə şouları ilə tez-tez tənqid hədəfinə çevrilən Hadisə "Hərbiyə səhnəsində də eyni təzyiqlərə məruz qaldım, o gün heç kim səsini çıxarmadı. Amma baxın, nə qədər sussaq, daha da vəziyyət pisləşir. Şərin səsi çox yüksək olsa belə, susmayın, danışın. Hər kəs sussa da, mən həmişə qadınların probleminin yanında olacağam. Bu, hamının məsuliyyətidir" - deyə qeyd edib.

Qeyd edək ki, məsələ ilə bağlı Türkiyə Cəza Məcəlləsinin 225-ci maddəsinə əsasən, cinayət işi açılıb, əlavə araşdırmalar aparılır. 

Prokurorluğun açıqlamasına görə, 6 sentyabrda baş tutan 18+ konsert zamanı qrup üzvlərinin geyim və rəqs performansları "nalayiq hərəkətlər", "ictimai əxlaq və ədəb qaydalarını pozmaq" kimi qiymətləndirilib.(musavat)