Böyük Britaniya hakimiyyəti ABŞ prezidenti Donald Trampın bu həftə ölkəyə səfəri zamanı onun təhlükəsizliyini maksimum dərəcədə təmin etmək üçün 2023-cü ildə kral III Karlın tacqoyma mərasimindən bəri ən genişmiqyaslı əməliyyatı həyata keçirir.

Yeniproqnoz.az xəbər verir ki, bu barədə "The New York Times" məlumat yayıb.

Məlumata görə, Trampın təhlükəsizliyini təmin etmək üçün Britaniya xüsusi xidmət orqanları pilotsuz uçuş aparatları, snayperlər, atlı polis və Temza çayı üzərində patrul qayıqlarından istifadə edəcəklər.

Qəzet yazır ki, ötən həftə Yuta ştatında konservativ fəal Çarli Kirkin qətli Londonu mümkün təhdidlərə “daha ciddi nəzarətə” vadar edib.

Ağ Evin daha əvvəl verdiyi məlumata əsasən, Tramp 16-18 sentyabr tarixlərində Böyük Britaniyaya ikinci dövlət səfərini edəcək. ABŞ prezidentinin kral III Karl tərəfindən Vindzor qəsrində qəbul olunacağı gözlənilir.