Fransa Prezidenti Emmanuel Makronun hakimiyyəti dövründə 27 gün öncə təyin etdiyi sayca 7-ci baş nazir Sebastien Lekornu da istefa verməli olub.

Yeniproqnoz.az xəbər verir ki, baş nazir Lekornu istefasının səbəbini vəzifədə qalması üçün zəruri şərtlərin yerinə yetirilməməsi ilə izah edib.

"Baş nazir kimi vəzifələrimi yerinə yetirməyim üçün şərtlər yerinə yetirilmədi", - Lekornu deyib.

O, siyasi partiyaları da barışmazlıqda ittiham edib: “Mən güzəştə getməyə hazır idim, lakin hər bir siyasi partiya digər siyasi partiyanın öz proqramını tam şəkildə qəbul etməsini istəyirdi”, - o qeyd edib.

Bununla da Sebastien Lekornu bir neçə səbəbə görə rekord qıran baş nazir kimi tarixə düşüb.

Birincisi, o, Fransada ən qısa müddət – 27 gün işləyən baş nazirdir.

İkincisi, Lekornu hökumətsiz ən uzun müddət yaşayan (26 gün) baş nazir olub. Onun hökuməti isə hamıdan qısaömürlü olub – Lekornu hökumət komandasının təyin olunmasından cəmi on iki saat sonra istefa verib. O həm də ümumi siyasi bəyanat belə verməyən yeganə Fransa baş naziridir.

Mürtəza