“Süni İntellekt üzrə Beynəlxalq Sertifikasiya” qrant layihəsi çərçivəsində açılış tədbiri baş tutub.

Yeniproqnoz.az xəbər verir ki, layihə çərçivəsində müəllimlər üçün ICDL Insights Artificial Intelligence beynəlxalq sertifikasiyasına hazırlıq məqsədilə nəzəri və praktik təlimlərin təşkili, süni intellekt alətlərinin tədrisdə tətbiqi üzrə bilik və bacarıqların formalaşdırılması nəzərdə tutulur. Bu məqsədlə 30 nəfər müəllim üçün təlimlərin keçirilməsi və onların beynəlxalq “ICDL Insights Artificial Intelligence” sertifikasiya imtahanına hazırlanması planlaşdırılır. Layihə 6 ay müddətində icra olunacaq və təlim mərhələsindən sonra iştirakçılar beynəlxalq sertifikasiya imtahanına cəlb ediləcəklər.
Xatırladırıq ki, “Süni İntellekt üzrə Beynəlxalq Sertifikasiya” qrant layihəsi Təhsildə İnkişaf və İnnovasiyalar üzrə IX Qrant Müsabiqəsinin qalib layihələrindəndir və Vüqar Kərimov tərəfindən Bakı şəhər 116 nömrəli tam orta ümumtəhsil məktəbində həyata keçirilir. Layihənin məqsədi müəllimlərdə süni intellekt alətləri vasitəsilə interaktiv dərs qurma, rəqəmsal məzmun yaratma və tədris prosesini daha effektiv idarəetmə bacarıqlarını inkişaf etdirməkdir.