220 nömrəli məktəbdə “3D – Dil Dostum Duolingo” layihəsinin açılış mərasimi keçirilib.
Icxeberler.com xəbər verir ki, tədbirdə məktəb rəhbərliyi, müəllimlər, şagirdlər və valideynlər iştirak edib. Açılışı layihə rəhbəri, ingilis dili müəllimi Ofeliya Qafarova edib. O, layihənin məqsədi, əhəmiyyəti və şagirdlər üçün yaradacağı imkanlar haqqında iştirakçılara ətraflı məlumat verib.
Layihənin əsas məqsədi 10–14 yaşlı şagirdlərin ingilis dili bacarıqlarını Duolingo platforması vasitəsilə interaktiv və əyləncəli şəkildə inkişaf etdirmək, texnologiyanın öyrənmə prosesinə inteqrasiyasını təmin etməkdir.
Tədbirdə iştirak edən digər müəllimlər və şagirdlər də layihə haqqında öz rəy və gözləntilərini bölüşüblər. Onlar bu layihənin ingilis dilini daha maraqlı və asan öyrənmək üçün yeni imkanlar yaradacağını, xüsusilə Duolingo tətbiqi vasitəsilə dil öyrənmənin oyunvari və əyləncəli olmasının motivasiyanı artıracağını qeyd ediblər.