Bakı şəhərində yerləşən 220 nömrəli məktəb-liseydə “3D – Dil Dostum Duolingo” adlı layihə çərçivəsində təlimlər təşkil olunub. Təlimlər Aida Elyazova  tərəfindən aparılıb. 
Təlimlərin əsas məqsədi ingilis dilinin tədrisində Duolingo platformasının yanaşmalarına əsaslanaraq oyunlaşdırma və adaptiv tapşırıqlar vasitəsilə dərslərin motivasiyaedici və səmərəli şəkildə təşkili, həmçinin müəllimlərin şagirdlərin dil bacarıqlarını mərhələli və fərdiləşdirilmiş şəkildə inkişaf etdirən tədris modellərini tətbiq etmə bacarıqlarını formalaşdırmaqdır. 
Təlimlərdən əvvəl peşəkar təlimçi-ekspertləri tərəfindən təlim proqramı və layihə çərçivəsində istifadə olunacaq oxu materialı hazırlanıb. Təlimlər ümumilikdə 12 nəfər müəllim və 30 nəfər 10-14 yaşlı şagirdlər iştirak edib. İştirakçı müəllimlər təlimlərdən sonra 10–14 yaşlı şagirdlərdən ibarət siniflərdə Duolingo yanaşmalarına əsaslanan oyunlaşdırılmış və adaptiv tapşırıqlarla ingilis dili dərsləri təşkil edəcək, şagirdlərin söz ehtiyatı, oxu, dinləmə və ilkin ünsiyyət bacarıqlarının inkişafını dəstəkləyəcək və təlim nəticələrini sistemli şəkildə izləyəcəklər.
Qeyd edək ki, layihənin əsas məqsədi 10–14 yaş arası məktəblilərin ingilis dili üzrə danışıq və anlama bacarıqlarını artırmaq məqsədilə Duolingo platforması üzərindən sistemli və rəqabətli öyrənmə mühiti yaradaraq, onların dil öyrənməyə marağını artırmaq və praktiki dil istifadəsinə sövq etməkdir. Xatırladaq ki, layihə IX qrant müsabiqəsinin qalibi olub və Bakı şəhərində yerləşən 220 nömrəli məktəb-liseydə icra edilir.