Portuqaliyalı hücumçu Kristiano Ronaldo İspaniya çempionatının ikinci divizionunda çıxış edən "Almeriya" futbol klubunun səhmlərinin 25%-nə sahiblənib.
Axar.az Trend-ə istinadla xəbər verir ki, bu barədə Ronaldo özü danışıb.
“Uzun illərdir ki, yalnız meydanda deyil, ümumilikdə futbola töhfə verməyi arzulamışam. "Almeriya" möhkəm əsaslara malik, inkişaf potensialı açıq-aşkar olan İspaniya klubudur. Mən klubun rəhbərliyi ilə birlikdə işləyərək onun növbəti inkişaf mərhələsini dəstəkləməyi səbirsizliklə gözləyirəm”, - Ronaldo vurğulayıb.