“CodePro for Teachers” qrant layihəsi çərçivəsində təlimlər davam etdirilir.
Bakı şəhər 329 nömrəli tam orta ümumtəhsil məktəbində “CodePro for Teachers” qrant layihəsi çərçivəsində təlimlər təşkil olunub. Təlimlər Nigar Əhmədli tərəfindən aparılır. 
Təlimlərin əsas məqsədi müəllimlərə kodlaşdırmanın əsas anlayışlarını, alqoritmik düşüncə bacarıqlarını, şərti və dövr operatorlarını, funksiyaları, eləcə də proqramların sınaqdan keçirilməsi prinsiplərini praktiki tapşırıqlar və tətbiqi nümunələr əsasında öyrətməkdir. 36 saatlıq təlimlər gündə 3 saat olmaqla 12 gün ərzində keçirilir.
Qeyd edək ki, layihənin məqsədi Bakı məktəblərində çalışan informatika müəllimlərinin kodlaşdırma və Python dili üzrə bilik və bacarıqlarını artıraraq onları beynəlxalq ICDL Coding Principles imtahanına hazırlamaqdır. Xatırladaq ki, layihə IX qrant müsabiqəsinin qalibi olub və Bakı şəhər 329 nömrəli tam orta ümumtəhsil məktəbində icra edilir.
 #QrantMüsabiqəsi #GrantsEduAz #IXQrant #EduGrants