Futbol üzrə Özbəkistan milli komandasının qarşıdan gələn dünya çempionatı üçün ilkin heyəti ictimaiyyətə təqdim olunub.
Axar.az xəbər verir ki, bu barədə Özbəkistan Futbol Assosiasiyasının rəsmi saytı məlumat yayıb.
Açıqlanan 30 nəfərlik siyahıya Azərbaycanın "Sabah" klubunun yarımmüdafiəçisi Umarali Raxmonaliyev də daxil edilib.
Qeyd edək ki, püşkatmanın nəticələrinə əsasən, Özbəkistan yığması K qrupunda qərarlaşıb və burada Portuqaliya, Konqo Demokratik Respublikası, eləcə də Kolumbiya yığmaları ilə mübarizə aparacaq.
Xatırladaq ki, Umarali Raxmonaliyevin çıxış etdiyi "Sabah" klubu geridə qalan mövsümdə həm Azərbaycan çempionatının qalibi olub, həm də ölkə kubokunu qazanaraq ili iki titulla başa vurmağı bacarıb.