“İstedadlar Akademiyası” layihəsi çərçivəsində ikinci ustad dərsi keçiriləcək: Bu dəfə Rəssamlıq sənətinin sirləri öyrədiləcək
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı və “İstedadları Tanıyaq və Tanıdaq” ictimai birliyinin təşkilatçılığı ilə icra olunan “İstedadlar Akademiyası” layihəsi uğurla davam edir. Layihə çərçivəsində təşkil olunacaq ustad dərslərin ikincisi rəssamlıq sənətinə həsr olunub.
Dərsin əsas məqsədi gənc istedadların aşkar edilməsi, onların yaradıcılıq potensialının artırılması və incəsənətə olan marağının stimullaşdırılmasıdır.
Ustad dərsini qabaqcıl təhsil işçisi, Azərbaycan Rəssamlar İttifaqının üzvü, Azərbaycan Dövlət Pedaqoji Kollecinin müəllimi və "RM art studio"nun direktoru Rəsmiyyə Mahmudova keçəcək. Təcrübəli pedaqoq və rəssam dərsin iştirakçılarına rəsm sənətinin sirlərini, incəliklərini və xüsusi texnikalarını praktiki şəkildə nümayiş etdirəcək.
Rəssamlıq üzrə ustad dərsində iştirakçılara aşağıdakılar öyrədiləcək:
Rəssamlığın əsas qaydaları və texnikaları
Rənglərin seçilməsi və rənglərin uyğunlaşdırılması
Fırça və boyalardan düzgün istifadə qaydaları
Təbiət, mənzərə və müxtəlif əşyaların təsviri
Kompozisiya qurulması və yaradıcı düşüncənin inkişafı
Kölgə və işıq effektlərinin verilməsi
Fərdi rəsm işinin hazırlanması və tamamlanması
Rəssamlıq ustad dərsində iştirakçılar peşəkar rəssamın rəhbərliyi ilə rəsm sənətinin əsaslarını öyrənəcək, rənglərlə işləmə bacarıqlarını inkişaf etdirəcək və öz yaradıcılıqlarını əsərlərində əks etdirəcəklər.
Ustad dərsin keçiriləcəyi vaxt və ünvan:
Tarix: 14.06.2026
Saat: 11:00
Ünvan: “İstedadları Tanıyaq və Tanıdaq” İctimai Birliyinin ofisi.
Əlaqə:0505068026