Bu gün şairə, kitab müəllifi və "Milana Hospital"ın təsisçisi Xuraman Muradovanın doğum günüdür.

Xuraman Muradova Azərbaycanla yanaşı, Türk dünyasında da tanınan şairələrdəndir. Onun yazdığı şeirlər əsasında mahnılar bəstələnib və həmin nəğmələr Türkiyədə də sevilərək ifa olunur.
Şairənin Özbəkistanla bağlı fəaliyyəti də xüsusi qeyd olunur. X.Muradova bu ölkədə "Xalq şairi" fəxri adına layiq görülüb və Özbəkistanın ədəbi-mədəni həyatında öz sözünü deyən yaradıcı şəxslərdən biri kimi tanınır.
Şairə, eyni zamanda, "Milana Hospital"ın rəhbəri kimi səhiyyə sahəsində də fəaliyyət göstərir. Müxtəlif layihələrdə və ictimai tədbirlərdə fəal iştirak edən Xuraman Muradova Türk dünyasında Azərbaycanı layiqincə təmsil edən simalardan biridir.

Əziz və dəyərli Xuraman xanım, Sizə hər zaman böyük sevgi və ehtiram bəsləyən "Yeniproqnoz.az" saytının rəhbəri Xanım Bağırlı və kollektivi olaraq Sizi doğum gününüz münasibətilə səmimi-qəlbdən təbrik edirik.
Sizə həyatın ən böyük neməti olan möhkəm cansağlığı, uzun və mənalı ömür, ailəniz və əzizlərinizlə birlikdə xoşbəxt, hüzurlu və unudulmaz günlər arzulayırıq. Yeni yaşınızın həyatınıza bol sevinc, uğur və gözəl anlar gətirməsini diləyirik.
Doğum gününüz mübarək olsun!