İran hökuməti ABŞ Prezidenti Donald Trampın Hörmüz boğazına "tam nəzarət" bəyanatına etiraz olaraq yüzlərlə insanı və Bəsic könüllülərini boğaz ətrafına toplayıb.
Moderat​​​​or.az bu haqda İran və xarici saytlara istinadla xəbər verir.
Xarici KİV-in yaydığı məlumatlara görə, bölgədə gərginliyin artmasına səbəb ABŞ lideri Donald Trampın və ABŞ Mərkəzi Komandanlığının (CENTCOM) Hörmüz boğazının dəniz minalarından tam təmizləndiyi və boğazda hərəkətin artıq ABŞ-ın nəzarəti altında təhlükəsiz şəkildə bərpa olunduğu barədə bəyanatları olub. Vaşinqtonun bu iddialarına cavab olaraq, İranın dövlət orqanları və hərbiləşdirilmiş Bəsic (Basij) korpusu "Ummah Ahmad" kampaniyası çərçivəsində ölkənin müxtəlif yerlərindən hərbi və mülki könüllüləri Hörmüz boğazı istiqamətinə göndərib.
İranın yarım-rəsmi "Fars" agentliyinin(https://farsnews.ir/Sayeh/1788009914285852088/Iranians-of Different-Faiths-Join-Campaign-to-Defend-Hormuz) yaydığı xəbərə görə, toplanan yüzlərlə aksiya iştirakçısı kiçik qayıqlarla dənizdə flotiliya yaradaraq Trampın "O boğaz artıq açıqdır" sözlərinə etiraz ediblər. Onlar Hörmüz boğazı üzərində nəzarətin yalnız Tehrana məxsus olduğunu nümayiş etdirməyə çalışırlar.
SEPAH bəyan edib ki, ABŞ iqtisadi sanksiyaları və dəniz blokadasını tamamilə ləğv etməyənə qədər strateji su yolu Qərb gəmiləri üçün qapalı qalacaq. Hazırda rəsmi Tehran Oman ilə birlikdə müəyyən təhlükəsiz gəmiçilik dəhlizlərinin yaradılması şərtlərini müzakirə edir, lakin ABŞ və İsraillə əlaqəli gəmilərə qarşı boğazda sərt nəzarət tədbirləri davam etdirilir.
S.Laçın