Qadın voleybolçulardan ibarət Azərbaycan millisi bu gün Avropa çempionatında növbəti oyununu keçirəcək.
Moderator.az xəbər verir ki, yığmamız 1/8 final mərhələsində Türkiyə seçməsi ilə qarşılaşacaq. İstanbulun “Sinan Erdem” İdman Sarayında keçiriləcək görüş saat 20:00-da başlayacaq.
Faiq Qarayevin rəhbərlik etdiyi kollektiv qrup mərhələsində Milli Gimnastika Arenasında 8 xal toplayıb. C qrupunu üçüncü sırada tamamlayan Azərbaycan millisi pley-offa vəsiqə əldə edib.