Ağstafada bıçaqlanma hadisəsi baş verib.
APA-nın yerli bürosunun məlumatına görə, hadisə rayonun Həsənsu kəndində qeydə alınıb.
Belə ki, kənd sakini 1978-ci il təvəllüdlü E. Kərimov bıçaqlanma diaqnozu ilə xəstəxanaya yeləşdirilib.
Dərhal ona yardım edilib, hazırda vəziyyətinin orta ağır olduğu bildirilir.
Araşdırma zamanı məlum olub E. Kərimovu tanışı 1983-cü il təvəllüdlü Ş. İsmayılov tərəfindən aralarında baş verən mübahisə zamanı bıçaqlanıb.
Polis əməkdaşları keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən 1983-cü il təvəllüdlü Ş. İsmayılov saxlanılıb.
Hazırda faktla bağlı polis əməkdaşları tərəfindən araşdırma aparılır.
TƏBİB-dən APA-ya verilən xəbərə görə, sentyabrın 6-da saat 19:40 radələrində 1978-ci il təvəllüdlü şəxs (kişi) Ağstafa Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Boyun nahiyəsinin kəsilmiş yaraları diaqnozu təyin olunan şəxsə zəruri tibbi xidmətlər göstərilib.
Vəziyyəti qənaətbəxş qiymətləndirilən şəxs ambulator müalicə üçün evə buraxılıb.