Dünya fond bazarlarında əsas indekslər üzrə fərqli dinamika müşahidə olunub.
“APA-Economics” xəbər verir ki, ABŞ-da “Dow Jones” indeksi 95,40 bənd və ya 0,18% azalaraq 51 682,64 bəndə düşüb. “S&P” 500 12,74 bənd və ya 0,17% artaraq 7 650,50 bəndə, “Nasdaq Composite” isə 104,24 bənd və ya 0,39% yüksələrək 26 522,54 bəndə çatıb. “NYSE Composite” 0,38% azalaraq 23 998,76 bənd, Kanadanın “S&P/TSX Composite” indeksi isə 0,19% geriləyərək 35 806,65 bənd təşkil edib.
Avropada bütün əsas indekslər ucuzlaşıb. “Euro Stoxx” 50 1,37% azalaraq 6 236,20 bəndə, Böyük Britaniyanın FTSE 100 indeksi 1,45% geriləyərək 10 659,13 bəndə, Almaniyanın “DAX” indeksi 1,60% azalaraq 25 304,06 bəndə düşüb. Fransanın “CAC” 40 indeksi 1,49% azalaraq 8 065,02 bənd, İspaniyanın “IBEX” 35 indeksi isə 1,60% geriləyərək 19 513,80 bənd olub.
Asiya-Sakit okean regionunda əsasən müsbət dinamika qeydə alınıb. Yaponiyanın Nikkei 225 indeksi 1,38% artaraq 65 018,95 bəndə yüksəlib, “TOPIX” isə 0,07% azalaraq 4 091,14 bəndə düşüb. Honq-Konqun Hang Seng indeksi 0,60% artaraq 24 750,78 bəndə, Çinin “CSI” 300 indeksi 1,06% yüksələrək 4 507,39 bəndə çatıb. Avstraliyanın “S&P/ASX” 200 indeksi 0,01% azalaraq 8 731,17 bənd təşkil edib.
Bazarlardakı fərqli dinamika mərkəzi bankların faiz qərarları, neft qiymətlərinin 100 dollardan yuxarı qalması və istiqraz gəlirliliyinin yüksək səviyyəsi fonunda formalaşıb. ABŞ-da yarımkeçirici şirkətlərinin səhmlərində artım Nasdaq və “S&P” 500-ə dəstək verib, lakin FED-in bu həftə faizi 25 baza bəndi artırması və əlavə sərtləşmə siqnalları bazarda ehtiyatlılığı qoruyub.
Avropadakı enişə avtomobil və telekommunikasiya şirkətlərinin səhmlərinin ucuzlaşması əsas təsir göstərib. Asiyada isə neftin əvvəlki piklərdən geriləməsi inflyasiya narahatlığını qismən zəiflədib; Yaponiyada bazar Yaponiya Mərkəzi Bankının faiz dərəcəsini 1,25%-ə qaldırması fonunda yüksəlib.