“İstedadları Tanıyaq və Tanıdaq” İctimai Birliyinin “Mənim Uğur Hekayəm” layihəsinin  qonağı gənc xanəndə İlqar Bayramlı olub

“İstedadları Tanıyaq və Tanıdaq” İctimai Birliyi gənclərin maariflənməsi, onların yaradıcılıq potensialının üzə çıxarılması və uğurlu gənclərin cəmiyyətə tanıdılması istiqamətində həyata keçirdiyi “Mənim Uğur Hekayəm” layihəsini davam etdirir. Layihənin növbəti görüşünün qonağı gənc və istedadlı xanəndə İlqar Bayramlı olub. Gənc xanəndə  İlqar Bayramlı sənət yolundakı ilk addımlarından, mənimsədiyi muğam ənənələrindən, qarşılaşdığı çətinliklərdən və əldə etdiyi uğurlardan geniş bəhs edib. İfaçı öz şəxsi təcrübəsini iştirakçılarla bölüşərək, gənclərə öz istedadlarına inanmağı, hədəflərinə doğru əzmlə irəliləməyi və milli-mənəvi dəyərlərimizə sadiq qalmağı tövsiyə edib. Samimi şəraitdə keçən görüşdə xanəndə layihə rəhbərinin suallarını cavablandırıb və musiqi sahəsindəki gələcək planlarından danışıb.
Görüşün sonunda xanəndə İlqar Bayramlı milli musiqi sənətinin inkişafındakı xidmətlərinə və gənclərə nümunə olan fəaliyyətinə görə “Uğur 2026” Fəxri Diplomu ilə mükafatlandırılıb.
Mükafatı təqdim edən layihə rəhbəri, “İstedadları Tanıyaq və Tanıdaq” İctimai Birliyinin sədri Vüsalə Qələndərli gənc xanəndəyə gələcək yaradıcılıq fəaliyyətində yeni-yeni nailiyyətlər arzulayaraq, bu cür layihələrin gənclərin motivasiyasının artırılmasında xüsusi əhəmiyyət kəsb etdiyini vurğulayıb.