İstedadlı gənc Məryəm İbrahimova "Mənim Uğur Hekayəm" layihəsinin qonağı olub
İstedadlıları Tanıyaq və Tanıdaq İctimai Birliyinin təşkilatçılığı ilə həyata keçirilən "Mənim Uğur Hekayəm" rubrikasının növbəti buraxılışı baş tutub. Layihənin bu dəfəki qonağı bədii gimnastika üzrə bir çox beynəlxalq və yerli yarışların qalibi, çoxşaxəli istedada malik gənc istedad Məryəm İbrahimova olub.
5 yaşından etibarən bədii gimnastika ilə peşəkar şəkildə məşğul olan Meryem İbrahimova bugünədək böyük uğurlara imza atıb. O, son olaraq 30-31 may tarixlərində keçirilən nüfuzlu "Venera Cup" beynəlxalq turnirində yüksək ustalıq nümayiş etdirərək  1-ci yerə layiq görülüb. Qalibin ən böyük arzusu məşqlərini fasiləsiz davam etdirərək beynəlxalq arenalarda Azərbaycan bayrağını yüksəklərə qaldırmaqdır.
Məryəm İbrahimova təkcə idman sahəsində deyil, incəsənət yönümündə də öz istedadı ilə seçilir. O, idman nailiyyətləri ilə yanaşı, şeirlər qələmə alır, pianoda musiqilər ifa edir və rəssamlıq qabiliyyəti ilə gözəl rəsmlər çəkir.
Müsahibə zamanı Məryəm öz uğur yolundan, idmana olan sevgisindən və gələcək hədəflərindən danışıb, həmçinin tələbələri ilə birgə öz bacarıq və qabiliyyətlərini əyani şəkildə nümayiş etdirib. Hazırda İstedadlıları Tanıyaq və Tanıdaq İctimai Birliyinin könüllüsü kimi də fəaliyyət göstərən Meryem gənclərə nümunə olmağa davam edir.
Tədbirin sonunda layihə rəhbəri Vüsalə Qələndərli tərəfindən Məryəm İbrahimovaya qazandığı uğurlara və fəal fəaliyyətinə görə "Uğur -2026" fəxri diplomu təqdim olunub.

[video=]