Qış mövsümünün xalq arasında "qışın oğlan çağı" adlandırılan dövrü, xalq təqvimindəki Kiçik çillə geridə qaldı.

Yeniproqnoz.az xəbər verir ki, bu gündən etibarən Novruz bayramınadək qalan 30 günlük müddət - Boz ay başlayır.

Boz ay xalq arasında həm də "Çilləbeçə", "Ağlar-gülər", "Cəmlələr" adları ilə tanınır. Aya bu cür ad verilməsi Boz ayda havanın buludlu, yağışlı, küləkli, bəzən günəşli, - bir sözlə, dəyişkən keçməsi ilə bağlıdır.

Məlumat üçün qeyd edək ki, bu il ölkəmizdə Novruzun ilk çərşənbəsi olan Su çərşənbəsi fevral ayının 25-nə təsadüf edəcək. Martın 4-də Od, 11-də Yel, 18-də isə İlaxır çərşənbə - Torpaq çərşənbəsi qeyd olunacaq.

Yaz fəslinin Azərbaycana daxil olması martın 20-si, Bakı vaxtı ilə saat 13:01:25-ə təsadüf edəcək.