21.03.2026-cı il tarixində saat 20:50 radələrində 1986-ci il təvəllüdlü şəxs (kişi) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub.
Bu barədə APA-ya Gəncə Şəhər Birləşmiş Xəstəxanasından məlumat verilib.
Ona döş qəfəsinin divarının çox saylı açıq yarası diaqnozu təyin olunub.
Zəruri tibbi xidmətlər göstərilən pasiyentin müalicəsi Cərrahiyyə şöbəsində davam etdirilir, vəziyyəti stabil qiymətləndirilir.
***
21 mart, Saat 22:19
Goranboy rayonunda bıçaqlanma hadisəsini törədən şəxs saxlanılıb.
APA-nın yerli bürosu xəbər verir ki, polis əməkdaşlarının keçirdiyi tədbirlər nəticəsində rayon sakini Fariz Məmmədova kəsici-deşici alətlə xəsarət yetirməkdə şübhəli bilinən 17 yaşlı M. Əhmədov tutulub.
Faktla bağlı araşdırmalar davam etdirilir.


***
21:43

Goranboy rayonunda bıçaqlanma hadisəsi baş verib.
Bu barədə APA-nın yerli bürosu məlumat yayıb.
Məlumata görə, 38 yaşlı F.Məmmədov bıçaqlanma diaqnozu ilə xəstəxanaya yerləşdirilib.
Ona dərhal tibbi yardım göstərilib, hazırda vəziyyətinin kafi olduğu bildirilir.
Hadisənin hansı şəraitdə baş verdiyi hələlik məlum deyil.
Faktla bağlı araşdırma aparılır.