TƏBİB Qazaxda bıcaqlanma hadisəsi ilə bağlı açılqma yayıb.
APA TƏBİB-ə istinadən xəbər verir ki, 06.11.2026-cı il tarixində saat 23:30 radələrində Qazax Rayon Mərkəzi Xəstəxanasının Təcili tibbi yardım şöbəsinə 2 nəfər (kişi) hospitalizasiya olunub:
"2005-ci il təvəllüdlü şəxsə bədənin müxtəlif nahiyələrinin dərin kəsilmiş ,deşilmiş açıq yarası diaqnozu təyin olunub və əməliyyata alınıb.
Hazırda pasiyentin müalicəsi Reanimasiya şöbəsində davam etdirilir. Vəziyyəti orta ağır qiymətləndirilir.
2007-ci il təvəllüdlü şəxsə isə sol baldır nahiyyəsinin kəsilmiş deşilmiş yarası diaqnozu təyin olunub və zəruri tibbi xidmət göstərilib.
Vəziyyəti qənaətbəxş qiymətləndirilən pasiyent ambulator müalicə üçün evə buraxılıb".
***
09.38
Qazaxda iki nəfərin mübahisəsi qanla bitib.
APA-nın yerli bürosunun məlumatına görə, hadisə rayon ərazisində qeydə alınıb. Belə ki, rayon sakinləri 2005-ci il təvəllüdlü İ.Əlizadə və 2007-ci il təvəllüdlü F.Musayev bıçaq xəsarətləri ilə xəstəxanaya yerləşdiriliblər. Dərhal onlara yardım edilib, hazırda vəziyyətlərinin kafi olduğu bildirilir.
İlkin məlumata görə, hər iki şəxs aralarında baş verən mübahisə zamanı bir-birinə bıçaqla xəsarət yetiriblər.
Hazırda faktla bağlı araşdırma aparılır.