İtaliyanın müdafiə naziri Guido Crosetto, İraqın Ərbil şəhərindəki bir İtaliya bazasına zərbə endirildiyini, lakin heç bir hərbçinin xəsarət almadığını söylədi.

QHT.az xəbər verir ki, ANSA onun sözlərini sitat gətirib: "Ərbildəki bazamıza raket dəyib. İtaliyalı personal arasında itki və ya xəsarət alan olmayıb. Hamı təhlükəsizdir".

Xarici İşlər Naziri Antonio Tajani-nin aydınlaşdırdığı kimi, Ərbildəki İtaliya bazası digər ölkələrin bazalarını da əhatə edən kompleksin bir hissəsidir. "Bunun italyanlara, yoxsa bütün strukturlara yönəldiyini bilmirik", - deyə o bildirib. O əlavə edib ki, hazırda raketin İran ərazisindən, yoxsa İraqda fəaliyyət göstərən İranpərəst qruplardan atıldığı məlum deyil.

Daha əvvəl bildirildiyi kimi, Yaxın Şərqdə müxtəlif missiyalarda təxminən 2000 italyan əsgəri xidmət edir. Təxminən 1000 nəfər BMT-nin Livandakı Müvəqqəti Qüvvələrinin (UNIFIL) tərkibindədir.